跑素
健康飲食的重點是均衡吧
所以盡量每種東西都吃一點
偶爾讓自己放縱吃一些三高食物
偶爾也為自己為地球吃清淡吃素
過了一個十分忙碌的五月,難得準時下班
去市場買了幾款蔬菜
放在穫中炒炒就開飯啦~
尖椒粟米芯炒雞脾菇(3人份)
材料:
尖椒4隻、雞脾菇3隻、粟米芯1包、薑2片、蒜頭2粒
調味料 - 鹽及胡椒粉適量
做法:
1. 所有材料分別洗淨,切成喜歡的形狀。我把尖椒切粗條,雞脾菇及粟米芯切成片狀。
2. 放適量油落鑊,放入尖椒炒香,盛起備用。
3. 有需要可加少許油,爆香薑片及蒜頭,放入雞脾菇煎香,盛起備用。
4. 最後放入粟米芯炒香,然後加少許水加蓋煮5-8分鐘,加回尖椒及雞脾菇略炒,按自己口味調味即成。
偶然食素都唔錯架
回覆刪除係呀,素菜都好多變化~
刪除唔錯喎,妳都會跑素!!我就要迫住食番多少小肉類呢!!
回覆刪除間唔中啦~~爸媽麻麻地,佢地覺得無肉差少少:P
刪除我都唔可以戒晒肉呀,因為我好多次想捐血,血色素都唔夠,姑娘叫我食多少少肉~~
我响屋企唔可以煮齋 , 所以呢個餸唔啱我呢 , 咔咔~!!
回覆刪除最重要營養均衡,咩都食下:)
刪除間中食下齋咁唔錯~健康D呢~!
回覆刪除無錯!
刪除