簡單的蜆殼粉配上香草蕃茄汁是一個開胃主菜
當午餐、晚餐或做飯盒也不錯
食譜 (3-4人份)
材料:
礦泉水浸吞拿魚1大罐、罐頭原個蕃茄400G、磨菇10粒、甘荀1條、蜆殼粉400G
調味料:橄欖油、黑椒、鹽、香草、糖適量
做法:
1. 蜆殼粉按包裝指示煮好瀝乾備用。
2. 磨菇切片,甘荀可切片或磨成蓉(這次我磨成蓉),備用。
3. 平底鑊加入橄欖油爆香磨菇片(如甘荀切片可於此時加入),盛起。
4. 放入罐頭原個蕃茄及甘荀蓉一同炒香,加入黑椒、鹽、香草、糖調味,最後放入吞拿魚、磨菇片及蜆殼粉拌勻即可。
我要一盒吖唔該^^
回覆刪除裝大大盒俾你XDD
刪除蜆殼粉係我最最愛食架 , 加埋吞拿魚真係好正 , 仲有我至愛的蘑菇添 , 如果加埋粟米粒就更好了 , 可以請我食 ...... 一大碗嗎 ^^
回覆刪除係喎,加埋粟米仲好,下次試試先^^ 當然歡迎同袁太分享啦~~
刪除艾華斯:
回覆刪除~越簡單,越好味!! 而且, 有我最喜歡嘅吞拿魚.....如果我有廚房, 我日日帶飯!!
有時真係簡簡單單就好~~有時間,我都想多D煮嘢食~~
刪除好好味呀!!我諗我個肥妹豬一定鍾意
回覆刪除Hello^^ 多謝你欣賞~~我煮個時都覺得好似煮俾小朋友食咁XD
刪除我次次煮蜆殼粉都預錯份量, 攪到我老公1日3餐 x 2日都要食蜆殼粉...hahahha
回覆刪除咁誇張?你一次過煮成KG?但係無所謂啦,你老公肯食就得,換著我屋企(尤其我父母)食兩餐就唔再食,要自己搞掂T_T
刪除蕃茄汁好開胃~見到都想食~家下流口水呢~
回覆刪除係呀,而且大人小朋友都啱食呢:)
刪除嘩..............睇見都流口水呢~!!
回覆刪除過嚟,我幫你抹咗D口水先再慢慢食~XDD
刪除Long time no eat "蜆殼粉" Tomato base can make it more delicious indeed :)
回覆刪除Tomato base is my favourite:D
刪除只係望一望都頓覺開胃呢 ~
回覆刪除小高在家也少煮西餐了!
係呀,我中意蕃茄味嘛~~哩D都講唔上係咩西餐,只係罐頭懶人餐啫:P
刪除久違了的蜆殼粉, 望完好想食埋一份~~
回覆刪除蜆殼粉真係唔係成日見,所以見到就會買定係屋企~
刪除