轉自YAHOO BLOG:1+1的快樂：芝麻包及朱古力杏仁曲奇

坐言起行，話咗要努力d做烘焙，就把握時間去做！
尋日返半日，諗住放工返嚟整包同曲奇
點知出咗少少亂子
要在家遙距工作:(
不過好彩有齊材料
一邊做公司嘢
一邊整我嘅targets

今次整芝麻包
清清地但有天然嘅香味
個食譜教用無糖豆漿
但我無買，就用水代替，都ok~
時間緊迫，所以都係得成品相:p

都幾軟熟，水份充足

個look都算見得人啦~哈哈~

開得焗爐，就整多個曲奇啦~
哩個朱古力杏仁曲奇係Tony Wong嘅食譜
我睇過其他blogger嘅經驗之後
就減咗糖(我用120g)，其餘不變
不過可能切得厚咗d，最後我焗多5分鐘

留咗d係屋企食
又帶咗d俾一齊做義工嘅朋友仔食
作為小小聖誕禮物^^

如果我可以一個月有兩次空檔完成唔同嘅烘焙或甜品
又有人做我白老鼠一齊分享
咁就perfect啦

是日主理人：鄭大小姐