轉自YAHOO BLOG: 慶祝婆婆八十大壽@九龍灣翠園

上星期六為我婆婆預祝八十大壽

正所謂「人生七十古老稀」
八十大壽我媽媽三姐弟一早決定同佢隆重啲慶祝一下
不過當然要問下主人家意思啦~~
婆婆初頭話自己人食飯算
後來講兩講，佢又話諗下先
最後決定攞八圍搞大些小
請埋佢同我公公嘅兄弟姊妹
仲有佢最好嘅朋友
公公婆婆一直係工會嘅活躍分子
所以有好多朋友

基本上家人同朋友各佔一半！

我地係九龍灣翠園食飯
嗰度D職員好幫得手又醒目
嘢食又唔錯呢~~

我地無食翅轉咗做花膠燉湯

一人有一隻花膠呀！
又跟婆婆要求將糖水轉做南瓜西米露
佢整得比預期中滑同好味呢^^




我地哩班孫負責預備簽到簿、賀咭同蛋糕

我婆婆上菜前仲講咗幾句感謝說話添

(個個都話我婆婆好勁兼有型)

人太多影相同入席都有少少亂
但整體都算順暢同ON SCHEDULE
來賓都好滿意同開心
我地一家人當然唔例外啦
而婆婆都好興奮
佢一次過見咗好多好耐無見、識咗幾十年嘅老友記！
婆婆，衷心祝你生日快樂！身體健康呀！

是日主理人：鄭大小姐、鄭二小姐